വൈകുണ്ഠ സ്വാമികള്‍

Vaikunda Swaamikal (1809-1851)

                കന്യാകുമാരി ജില്ലയിലെ  നാഗര്‍കോവിലിനടുത്ത് സ്വാമിത്തോപില്‍ പൊന്നുനാടാരുടെയും വെയിലാളുടെയും മകനായി 1809-ല്‍ വൈകുണ്ഠ സ്വാമികള്‍ ജനിച്ചു. ആദ്യം മുടിചൂടുംപെരുമാള്‍ എന്നു പേരിട്ടെങ്കിലും ഉയര്‍ന്ന ജാതിക്കാരുടെ എതിര്‍പ്പ് കാരണം മുത്തുകുട്ടി എന്നു മാറേണ്ടി വന്നു. അവര്‍ണരുടെ അവശതകള്‍ക്കും രാജഭരണത്തിന്റെ പോരായ്മകള്‍ക്കും എതിരായി പോരാടിയ അദ്ദേഹം 1836-ല്‍ 'സമത്വസമാജം' സ്ഥാപിച്ചു. മേല്‍മുണ്ടു സമരത്തിന്‌ പ്രചോദനം നല്‍കിയ പ്രധാനികളില്‍ ഒരാളായിരുന്നു വൈകുണ്ഠ സ്വാമികള്‍. മേല്‍മുണ്ട് ധരിക്കാന്‍ ജന്മസിദ്ധമായ അവകാശം എല്ലാവര്കുമുണ്ടെന് അദ്ദേഹം പ്രഖ്യാപിച്ചു. 
                പൊതു കിണറുകളില്‍ നിന്നു വെള്ളമെടുക്കാന്‍ താഴ്ന്ന ജാതിക്കാര്‍ക്ക് അവകാശമില്ലതതിനെയും വൈകുണ്ഠ സ്വാമികള്‍ ചോദ്യം ചെയ്തു, എല്ലാ ജാതിക്കര്കും ഒരുപോലെ ഉപയോഗിക്കാന്‍ കിണറുകള്‍ കുഴിക്കാന്‍ നേതൃത്വം നല്‍കി. വൈകുണ്ഠ സ്വാമികള്‍ രചിച്ച 'അകിലതിരുട്', അരുള്‍നൂല്‍ എന്നീ കൃതികള്‍ ശ്രദ്ധേയമാണ്. ബ്രിട്ടീഷ് ഭരണത്തെ വെന്‍ നീചന്‍ എന്നും തിരുവിതാംകൂര്‍ ഭരണത്തെ അനന്തപുരത്തെ നീചന്‍ എന്നും അദ്ദേഹം വിശേഷിപ്പിച്ചിരുന്നു. 1851 ജൂണ്‍ മൂന്നിന് ഇഹലോകവാസം വെടിഞ്ഞു.

ചവറ കുരിയാകോസ് ഏലിയാസ് അച്ഛന്‍

Father: Chavara  Kuryakose Elias(1805-1871)

                          കാലത്തിനു മുന്ബെ നടന്ന നവോത്ഥാന നായകന്‍ , സാക്ഷരതയുടെ പിതാവ് എന്നറിയപ്പെടുന്നു.  ചവറയച്ചന്‍ 1805 ഫെബ്രവരി 10ന് കുട്ടനാടിലെ കൈനകിരിയില്‍ ജനിച്ചു. 1829-ല്‍ പുരോഹിതത്യം സ്വീകരിച്ചു. 1831ന് ഇന്ത്യയിലെ ആദ്യ ക്രൈസ്തവ സന്യാസി സഭക്ക് തുടക്കമിട്ടു. ഇതാണ് പിന്നീട് സി.എം.ഐ സഭയായി രൂപപ്പെട്ടത്. 1861-ല്‍ വികാരി ജനറലായി, ഓരോ പള്ളിക്കും അടുത്ത് ഓരോ പള്ളിക്കൂടം സ്ഥാപിക്കണം എന്ന ആശയം ചവറയച്ചന്‍  മുന്നോട്ടു വച്ചു. അങ്ങിനെ 1865-ല്‍ കേരളത്തില്‍ പള്ളികള്‍ കേന്ദ്രീകരിച് പള്ളിക്കൂട വിദ്യാഭ്യാസം നിലവില്‍ വന്നു.



                       കേരളത്തിലെ ക്രിസ്ത്യന്‍ സഭകള്‍ പാശ്ചാത്യവല്കരിച്ചപ്പോള്‍ ഭാരത ക്രിസ്തവതിന്റെ തനിമയും പാരമ്പര്യവും തുടരണമെന്ന്  ചവറയച്ചന്‍ ആഗ്രഹിച്ചു, അതിനായി മന്നാനത്തും(1833) വാഴക്കുന്നതും(1866) എല്‍തുരത്തിയിലും(1868) പുളിങ്കുന്നിലും(1872) അദ്ദേഹം സെമിനാരികള്‍ സ്ഥാപിച്ചു. കേരളത്തില്‍ വിദേശികളുടെ സഹായം കൂടാതെ കത്തോലിക്കാ സഭയുടെ ആദ്യത്തെ പ്രസ്‌ മാന്നാനത്ത്‌ 1844-ല്‍ സ്ഥാപിച്ചത് ഇദ്ദേഹമാണ്. 1887-ല്‍ ദീപിക പത്രം പുറത്തിറങ്ങിയത് ഇവിടെ നിന്നാണ്.1846-ല്‍ മാന്നാനത്ത്‌  സംസ്കൃത വിദ്യാലയം സ്ഥാപിച്ചാണ് ഇദ്ദേഹം നവോത്ഥാനം ആരംഭിക്കുന്നത്. അവിടെ അദ്ദേഹം ദളിതരെയും പിന്നാക്കവസ്ഥയില്‍പെടുന്നവരെയും പ്രവേശിപ്പിച്ചു. ചാവറയച്ചന്‍ എഴുതിയ മഹാകാവ്യമാണ് 'ആത്മാനുതാപം'. കൂടാതെ 'ധ്യാനസല്ലാപങ്ങള്‍', 'നാളാഗമങ്ങള്‍', 'നല്ല അപ്പന്റെ ചാവരുകള്‍'  എന്നിവയും അദ്ധേഹത്തിന്റെ രചനകളാണ്. 1871 ജനുവരി 3ന് ചവറയച്ചന്‍ അന്തരിച്ചു. 1986-ല്‍ അദ്ധേഹത്തെ വാഴ്ത്തപ്പെട്ടവനായി പ്രഖ്യാപിച്ചു. ഭൌതികാവശിഷ്ടം മന്നാനത്താണ് സൂക്ഷിക്കുന്നത്.

കേരള വര്‍മ പഴശ്ശിരാജ

Pazhassi raja

പഴശ്ശിരാജ (1755-1805)

കേരള സിംഹം എന്നറിയപ്പെട്ടിരുന്ന കേരള വര്‍മ പഴശ്ശിരാജയുടെ ജനനം 1755-ല്‍  ആണെന്ന്‍ കരുതപ്പെടുന്നു. വടക്കന്‍ കോട്ടയം രാജകുടുംബത്തിലെ അംഗമായിരുന്നു. 1780-ല്‍ ടിപ്പു സുല്‍ത്താനും ഹൈദരാലിക്കും എതിരെ ബ്രിട്ടീഷുകാരെ സഹായിച്ചു. പിന്നീട് ഇങ്ങളീഷുകാര്‍ അവഗനിച്ചതോടെ അവരുമായി അഭിപ്റായ ഭിന്നതയിലായി. നികുതി പിരിവിന്റെയും പാട്ടവകാശത്തിന്റെയും പേരില്‍  ഇങ്ങളീഷുകാരുമായി സമരത്തിലായി.1793-1797 കാലഘട്ടത്തിനെ ഒന്നാം  പഴശ്ശി വിപ്ളവം എന്നറിയപ്പെടുന്നു. പുരളി മല കേന്ദ്രീകരിച് ആയിരുന്നു  വിപ്ളവം.  ചിറക്കല്‍ രാജാവിന്റെ മധ്യസ്ഥതയിലാണ്‍ ഇത് അവസാനിച്ചത്. പിന്നീട് 1800-1805 നും ഇടയ്ക്കുണ്ടായ കലാപത്തെ രണ്ടാം  പഴശ്ശി വിപ്ളവം എന്നും അറിയപ്പെടുന്നു. ഈ കലാപത്തിന്റെ അന്ത്യത്തില്‍ 1805 നവംബര്‍ 30-ന് പഴശ്ശിരാജ കൊല്ലപ്പെട്ടു. വയനാട്ടിലെ മാനന്തവാടിയിലാണ്‍ പഴശ്ശി കുടീരം സ്ഥിതിചെയ്യുന്നത്. പഴശ്ശിരാജ മിഉസിയം കോഴിക്കോട് ആണ്‍  സ്ഥിതിചെയ്യുന്നത്. പഴശ്ശി ഡാം കന്നൂരിലാന്‍. അദ്ധേഹത്തെ  കേരള സിംഹം എന്നു വിശേഷിപ്പിച്ചത് സര്‍ദാര്‍ കെ.എം പണിക്കരുടെ പറങ്കിപ്പടയാളി എന്ന പുസ്തകത്തിലാണ്. 

വേലുത്തംബി ദളവ

Veluthambi Dhalava  (1765-1809)

                      സ്വാതന്ത്ര്യത്തിനുവേണ്ടി ജീവന്‍ ബലിയര്‍പ്പിച്ച രാജ്യസ്നേഹി.  തിരുവിതാംകൂര്‍ ദിവാന്‍. 1765 മെയ് 6-ന് കന്യാകുമാരിയിലെ തലക്കുളത്ത് ജനിച്ചു. ചെറുപ്പത്തിലെ ആയുധ വിദ്യ അഭ്യസിച്ചു.  നാട്ടുകൂട്ടം നേതാവായിരുന്നു.  1802-ല്‍ ബാലരാമവര്‍മ്മയുടെ ദളവയായി, ബ്രിട്ടീഷുകാര്‍ക്കെതിരെ സമരത്തിന്‍ നേത്ര്‍ത്വം വഹിച്ചു. കപ്പക്കുടിശ്ശിക അടക്കതത്തിന്റെ പേരില്‍    ബ്രിട്ടീഷുകാരുടെ ശത്രുവായി.14-01-1809-ല്‍  കുണ്ടറയില്‍ ബ്രിട്ടീഷുകാര്‍ക്കെതിരെ പരസ്യമായി വിളംബരം നടത്തി. 1809-ല്‍ മണ്ണടി ക്ഷേത്രത്തില്‍ അഭയംപ്രാപിച്ച ദളവയെ ശത്രുക്കള്‍ വളഞ്ഞപ്പോള്‍ ഇദ്ദേഹം ജീവനോടെ   ബ്രിട്ടീഷുകാര്‍ക് പിടി കൊടുക്കില്ലെന്ന് പറഞ്ഞ ആത്മഹത്യചെയ്തു. മൃത്ദേഹം ബ്രിട്ടീഷുകാര്‍  തിരുവനന്തപും കണ്നമൂലയില്‍ കൊണ്ടുവന്ന കഴുവിലേറ്റി.  

മാര്‍ത്താണ്ധവര്‍മ്മ

Marthanda Varma   (1706-1758)

 തിരുവിതാംകൂര്‍ മഹാരാജാവ്‌. 1706-ല്‍ കിളിമാനൂര്‍ കോയിതമ്പുരാന്റെ  മകനായി പിറന്നു. പിള്ളമാരെയും മാടംബിമാരുടെയും ക്റൂരവാഴ്ച്ചകള്‍ അടിച്ചമര്‍ത്തി. 1729-ല്‍ ഭരണച്ചുമതല ഏറ്റെടുത്തു.1741-ല്‍ കുലച്ചാല്‍  യുദ്ധത്തില്‍ ഡച്ചുകാരെ  തോല്‍പ്പിച്ചു . 1742-ല്‍  ദേശിങ്ങനാടിന്റെ (കൊല്ലം ) നിയന്ത്റണ പ്റദേശങ്ങള്‍ വീണ്ടെടുത്തു. പിടിച്ചെടുത്ത നാടുകള്‍ 1750-ല്‍ ശ്രീ പത്മനാഭന് തൃപ്പടിദാനം നടത്തി. വാര്‍ഷിക ബജറ്റ് സംബ്രദായം നടപ്പിലാക്കി. പട്ടയവും കരം പിരിവും നടപ്പാക്കി. സാഹിത്യം ശാസ്ത്രം എന്നിവയെ പ്രോത്സാഹിപ്പിച്ചു. 1758-ല്‍ അന്തരിച്ചു.